काठमाडौँ । इङलिश प्रिमियर लिगमा म्यान्चेस्टर युनाइटेडले ८ मिनेटको अन्तरमा लगातार ३ गोल हान्दा पनि बराबरीमा रोकिएको छ । गएराती भएको खेलमा म्यानचेस्टर युनाइटेड शेफिल्ड युनाइटेडसँग ३–३ को बराबरीमा रोकिएको हो ।

शेफिल्डका लागि जोन फ्लेक, लीस मोउसेट र ओली म्याकब्रुनेले एक एक गोल गरेका थिए । भने म्यानचेस्टरका लागि ब्राण्डन विलियन्स, मासन ग्रीनवूड र मार्कस राशफोर्डले एक एक गोल गरेका थिए । ३–२ गोलले पछि परेको अवस्थामा शेफिल्डका म्याकब्रुनेले खेलको ९०औ मिनेटमा गोल गर्दै युनाइटेडसँग अंक खोसेका थिए ।

त्यस्तै खेलको ५२ औ मिनेटमा २–० गोलले पछि परेको म्यानचेस्टरले खेलमा उत्कृष्ट कमब्याक गरेको थियो । युनाइटेडले २–० ले पछि परेको अवस्थामा खेलको ७२, ७७ र ७९ औं मिनेटमा ८ मिनेटभित्र ३ गोल गर्दै नाटकीय अग्रता लिएको थियो । यो बराबरीपछि शेफिल्ड १३ खेलमा १८ अंकसहित छैठौ स्थानमा छ भने म्यानचेस्टर युनाइटेड १३ खेलमा १७ अंकसहित नवौ स्थानमा छ ।