काठमाडौं । दक्षिण एसियाली ज्योतिष महासंघ नेपालको महासचिवमा ज्योतिष तथा बास्तुविद् सुरेश चन्द्र रिजाल निर्वाचित भएका छन् । बंगलादेशमा भएको २८औं एसियाली ज्योतिष सम्मेलनबाट रिजाल महासचिवमा निर्वाचित भएको महासंघले जनाएको छ ।

राष्ट्रिय समिति नेपालको सभापति आचार्य लक्ष्मण पन्थी केन्द्रीय कमिटीको महासचिवमा निर्वाचित भएपछि रिक्त रहेका पदहरुमा हेरफेर गरिएको छ ।

पन्थीको रिक्त रहेको स्थान राष्ट्रिय समिति नेपालको सभापतिमा वरिष्ठताका आधारमा ज्योतिषी खिलनाथ काफ्लेलाई राखेर पदपुर्ती गरिएको छ ।

नेपालमा केन्द्रीय कार्यालय रहनेगरी महासंघको स्थापना २०५२ सालमा भएको थियो ।