काठमाडौं । आज (बिहीबार) नेपाली बजारमा सुनको भाउ ओरालो लागेको छ ।

आज छापावाल सुन प्रतितोला ७१ हजार रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ। आज सुन तोलामा २ सय रुपैयाँ घटेको हो ।

त्यस्तैगरी आज तेजावी सुन प्रतितोला ७० हजार ७ सय रुपैयाँमा कारोबार भईरहेको छ। आइतबार र सोमबार ७१ हजार ३ सय रुपैयाँमा कारोबार भएको तेजावी सुन मंगलबार र बुधबार ७० हजार ९ सय रुपैयाँमा कारोबार भएको थियो ।

आज नेपाली बजारमा सुनको भाउसँगै चाँदीको भाउ पनि घटेको छ । आज चाँदी प्रतितोला ८ सय ५० रुपैयाँमा कारोबार भईरहेको छ।

बुधबार चाँदी प्रतितोला ८ सय ५५ रुपैयाँमा कारोबार भएको थियो।