मालारानी गाउँपालिकामा उत्साहका साथ मतदान जारी

डिसी नेपाल
१४ मंसिर २०७६ १५:४२

अर्घाखाँची । अर्घाखाँची जिल्लाको मालारानी गाउँपालिका वडा नं ३ मा सनिबार बिहानैदेखि उत्साहका साथ मतदान कार्य जारी छ ।

बिहान ७ बजेपछि मतदान सुरु भनिएता पनि मतदाताहरु मतदान गर्न उत्साहका साथ बिहानै ५ बजेदेखि नै लाईनमा बसेका थिए । मालारानी गाउँपालिका वडा नं ३ का ५५ वर्षीय वडा अध्यक्ष जीवनकुमार चौहानको उपचारको क्रममा भरतपुर मेडिकल कलेज चितवनमा २०७४ साल पुसमा निधन भएको थियो ।

निधन भएपछि उक्त स्थानमा उपनिर्वाचन हुन लागेको हो । पहिलो मतदान केन्द्र आदर्श मा.वि. खनदहमा रहेको छ भने दोश्रो केन्द्र सुन्दरा आधारभुत विद्यालय सावडाँडा मा रहेको छ । पहिलो केन्द्र मा मतदाता संख्या १ हजार ६ सय २० र दोश्रो केन्द्र मा १३९१ गरि जम्मा मतदाता संख्या ३ हजार ११ रहेका छन् ।

जसमध्ये दिउँसो १ बजेसम्म १ हजार ७ सय ४७ मत खसेको छ । मतदान गर्न अशक्त र अपाङ्गहरुलाई लाईन लाग्न नपर्ने गरी मतदान गर्ने व्यबस्था मिलाईएको प्र जि अ बिजयराज पौडेलले जानकारी दिएका छन् । उपनिर्वाचनमा नेकपाबाट यमलाल खनाल , नेपाली कांग्रेसबाट शोभाखर खनाल र राप्रपाबाट रणबहादुर खनालको उम्मेद्वारी परेको छ ।

२०७४ को निर्वाचनमा तात्कालिन नेकपा माओवादी र नेपाली कांग्रेसको गठवन्धनका उम्मेदवार शोभाखर खनाललाई हराउँदै तत्कालीन नेकपा एमालेका उम्मेदवार जीवनकुमार चौहान वडा अध्यक्ष पदमा निर्वाचीत भएका थिए ।




प्रतिक्रिया

Leave a Reply

Your email address will not be published. Required fields are marked *