काठमाडौँ । फ्रेन्च लिग वानमा पिएसजीले नान्टेजलाई पराजित गरेको छ । गएराती सम्पन्न खेलमा पिएसजीले नान्टेजमाथि २–० को सहज जित हासिल गरेको हो ।

पिएसजीको जितमा किलियन एम्बाप्पे र नेइमारले एक एक गोल गरेका थिए । पहिलो हाफमा बिना कुनै गोल सकिएको खेलमा एम्बाप्पेले एन्जल डि मारियाको असिस्टमा खेलको ५२औ मिनेटमा गोल गरेका थिए । त्यस्तै नेइमारले खेलको ८५औ मिनेटमा पेनाल्टीबाट गोल गर्दै पिएसजीको अग्रता दोब्बर पारेका थिए । यो जितपछि पिएसजीको लिग वानमा १५ खेलमा ३६ अंक भएको छ भने लिगमा शीर्ष स्थानमा रहेको छ ।