काठमाण्डौ । १३ औँ दक्षिण एसियाली खेलकुद (साग) अन्तर्गत गल्फमा नेपालले २ वटा स्वर्ण पदक जितेको छ । गोकर्ण गल्फ कोर्समा शुक्रबार नेपाललाई सुवास तामाङले टिम इभेन्ट्स र व्यक्तिगत स्पर्धामा स्वर्ण पदक जिताएका हुन् ।

सुवासले अन्तिम दिन ३ अण्डर ६९ स्कोरसहित कुल १५ अण्डर २७८ स्कोरसहित प्रथम स्थान हासिल गरे । यस्तै नेपालले टिम इभेन्ट्सतर्फ पनि स्वर्ण पदक पक्का गरेको छ । टिम इभेन्ट्समा नेपालबाट सुवाससँगै शुक्रबहादुर राई, टंकबहादुर कार्की र निरज तामाङले प्रतिस्पर्धा गरेका थिए ।