काठमाडौं । नेपाली राष्ट्रिय टोलीका युवा लेग स्पिनर सन्दीप लामिछाने पाकिस्तान सुपर लिग (पिएसएल) को ड्राफ्टमा बिक्री भएनन्। नयाँ सिजनमा प्लाटिनम श्रेणीमा नाम दर्ता गराएका सन्दिपलाई कुनै पनि टोलीले अनुबन्ध गरेनन् ।

दुई बर्ष अघि इण्डियन प्रिमिएर लिग (आईपिएल) मा दिल्लीबाट विदेशी फ्रेन्चाइज लिग खेल्न शुरु गरेका सन्दिप कुनै पनि लिगमा नबिकेको यो पहिलो पटक हो ।

एक टोलीले प्लाटिनमका तीन जना मात्र खेलाडी आफ्नो टोलीमा अनुबन्ध गर्न पाउने नियम रहेकोमा सबै छ टोलीले तीन–तीन जना खेलाडी अनुबन्ध गर्दा सन्दिपको बिक्री हुने सकेनन् ।

गत संस्करणको पिएसएलमा लाहोर कलन्दर्सबाट खेलेका सन्दिपले सात खेलमा ११ विकेट निकालेका थिए ।