पोखरा । १३ औं दक्षिण एसियाली खेलकुद (साग) अन्तर्गत महिला फुटबलमा नेपाल भारतसँग पराजित भएको छ ।

पोखरा रंगशालामा शनिबार भएको लिगको अन्तिम खेलमा नेपाल भारतसँग १–० गोल अन्तरले पराजित भएको हो । भारतलाई जित दिलाउन बालादेबीले निर्णायक गोल गरिन् । उनले खेलको १८ औं मिनेटमा गोल गरेकी हुन् ।

लिग चरणको अन्तिम खेलमा पराजित भएसँगै नेपाल दोस्रो स्थानमा रहेर फाइनल पुगेको छ । अब नेपालले स्वर्णको लागि भारतसँगै खेल्नेछ । भारत लिग चरणमा अपराजित रहेर फाईनलमा पुगेको हो। महिला फुटबलमा माल्दिभ्सले कास्य जितेको छ ।