काठमाडौं । अघिल्लो साताका तीनदिन लगातार घटेको सुनको भाउ आज आईतबार पनि घटेको छ ।

नेपाल सुनचाँदी व्यवसायी महासङ्घले आज छापावाला सुनको मूल्य प्रतितोला रु ७१ हजार २ सय रुपैयाँ तोकेको छ।

शुक्रबार छापावाला सुन प्रतितोला रु ७१ हजार ७ सय रुपैयाँमा खरिदबिक्री भएको थियो । यस्तै आज तेजाबी सुनको मूल्य प्रतितोला रु ७० हजार ९ सय निर्धारण गरिएको छ।

सुनको मूल्यसँगै चाँदीको मूल्य पनि ओरालो लागेको छ । शुक्रबार रु ८५० कारोबार भएका चाँदी आज १० रुपैयाँ घटेर प्रतितोला रु ८ सय ४० रुपैयाँमा खरिदबिक्री भईरहेको सुनचाँदी व्यवासायी महासंघले जनाएको छ।