काठमाडौं। युवतीलाई बलात्कार गरेर हत्या गर्ने ४ जनालाई पुलिसले इन्काउन्टरमा मारिदिएपछि पनि भारतमा अपराधीहरुको मनोबल घटेको देखिएको छेन । लगातार यस्तै किसिमका जघन्य अपराधका घटना भइरहेका छन् । यही बीचमा बिहारको मुजफ्फरपुरमा शनिबार बेलुकी बलात्कार गर्ने प्रयासमा असफल भएपछि युवतीलाई जिउँदै जलाइएको घटना सार्वजनिक भएको छ । आज तकको समाचारअनुसार पीडितलाई गम्भीर अवस्थामा अस्पताल भर्ना गरिएको छ ।

समाजारका अनुसार पीडितलाई नजिरपुर गाउँमा रहेको उनको घरबाट ती व्यक्तिले अपहरण गरेका थिए । अपहरणकारीले उनलाई बलात्कार गर्ने प्रयास गरे तर असफल भएपछि पीडितलाई जिउँदै जलाइदिए । पीडितको शरीर ८० प्रतिशत जलेको बताइएको छ । उनलाई मुजफ्फरपुरको एसकेएमसीएच अस्पतालमा भर्ना गरिएको छ । पुलिसले पीडितकी आमाको बयानको आधारमा एक व्यक्तिलाई गिरफ्तार गरेको जनाएको छ । पीडितले भने अहिलेसम्म बयान दिन सकेकी छैनन् ।