नयाँ दिल्ली। नागरिकता कानुनको विरोधमा भारतमा प्रदर्शनमा उत्रिएका विद्यार्थीहरुमाथि पुलिसले दमन गरेको छ । पुलिसले विश्वविद्यालयभित्रै छिरेर विद्यार्थीहरुलाई निर्घात कुटपिट गरेको छ । दिल्लीको जामिया विश्वविद्यालयमा पुलिसले ठूलो संख्यामा विद्यार्थीहरुमाथि आक्रमण गरेको हो । दिल्लीका अलावा अलीगढ, बनारस र बंगालको जाधवपुर विश्वविद्यालयमा पनि विद्यार्थीहरुले प्रदर्शन गरेका छन् । पुलिसको दमनको विरोधमा विद्यार्थीको प्रदर्शन अन्य विश्वविद्यालयतिर पनि फैलिँदै गइरहेको छ ।

UP police firing tear gas on protesters, students are still inside #AligarhMuslimUniversity campus.#JamiaProtest or AMU, police is showing its true color.

2/2 pic.twitter.com/svdxXp64fb

— Md Asif Khan‏‎‎‎‎‎‎ آصِف (@imMAK02) December 15, 2019

अलिगढ मुस्लिम युनिभर्सिटीका छात्रहरुमाथि पुलिसले लाठीचार्ज गरेको छ । यसमा ६)० भन्दा धेरै विद्यार्थी घाइते भएका छन् । प्रशासनले आज राती १० बजेसम्मको लागि अलीगढमा इन्टरनेट बन्द गराएको छ । पश्चिमी उत्तर प्रदेशका ६ जिल्ला मेरठ, बुलंदशहर, कासगंज, बागपथ, सहारनपुर र बरेलीमा धारा १४४ लागू गरिएको छ । अलीगढ मुस्लिम युनिभर्सिटी र जामिया युनिभर्सिटीमा प्रशासनले ५ जनवरीसम्म विदा घोषित गरेको छ । विश्वविद्यालयका रजिष्ट्रार अब्दुल हमिदका अनुसार आइतबार राती होस्टलमा बस्ने विद्यार्थीहरुलाई होस्टल खाली गरेर बाहिर पठाइएको छ । उनीहरुलाई बस र ट्रेनबाट घर पठाउने व्यवस्था गरिएको छ ।

This video is from the outside of #AligarhMuslimUniversity

See what these policemen are doing there… they are tying to vandalize gate of university?

After #JamiaMilia #JamiaProtest , AMU is burning.

2/2pic.twitter.com/BkxRdcDb2k

— Md Asif Khan‏‎‎‎‎‎‎ آصِف (@imMAK02) December 15, 2019

पुलिसमा एडिजी अजय आनन्दले स्थिति नियन्त्रणमा भएको बताएका छन् । शहरभरी पुलिस परिचालन गरिएको छ । जामिया हिंसापछि दिल्लीका उपमुख्यमन्त्री मनीष सिोदियाले सोमबार ओखला, जामिया, न्यू फ्रेण्डस कोलोनी र मदनपुर खादर क्षेत्रका सबै सकुल बन्द गर्न निर्देशन दिएका छन् । हिंसापछि दिल्लीमा १४ मेट्रो स्टेशन खाली गराइएको थियो जसलाई सोमबार बिहान सुचारु गरिएको छ । जामिया विश्वविद्यालयको विद्यार्थी संगठनका अनुसार सय भन्दा धेरै विद्यार्थी घाइते भएका छन् र एक जना विद्यार्थीको ज्यानै गएको छ ।

This is real face of Indian Police.

They used tear gas and force against students of Aligarh Muslim University who were protesting against #CABBill2019 .

Now they are vandalizing bikes and public property. #AligarhMuslimUniversity #JamiaProtest pic.twitter.com/QftIUTSOKl

— Md Asif Khan‏‎‎‎‎‎‎ آصِف (@imMAK02) December 15, 2019

पुलिसले विश्वविद्यालयभित्रै छिरेर विद्यार्थीहरुलाई निर्घात कुटपिट गर्दै नियन्त्रणमा लिएको थियो । विरोध चर्किएपछि पुलिसले नियन्त्रणमा लिएका विद्यार्थीलाई छाडेको छ । विश्वविद्यालयकी कुलपति नजमा अख्तरका अनुसार विद्यार्थीले नभइ छिमेकको टोलका मानिसहरुले तोडफोड गरेका थिए तर पुलिस विश्वविद्यालयभित्रै छिरेर विद्यार्थीमाथि दमन गर्न थालेपछि झडप भएको थियो ।