एजेन्सी । स्पेनिस ला लिगा अन्तर्गत बहु प्रतिक्षित एल क्लासिको बुधबार राति हुँदैछ । करिब एक महिनापछि सरेर हुन लागेको एल क्लासिकोमा बार्सिलोना र रियल मड्रिड आमने सामने हुँदैछन् । बार्सिलोनाको घरेलु मैदान क्याम्प नाउमा हुने खेल नेपाली समय अनुसार राति पौने १ बजे बाट सुरु हुँदैछ ।

खेलमा बार्सिलोना घरेलु मैदानको फाइदा उठाउने योजनामा छ । उता रियल बार्सिलोनालाई हराउँदै शीर्ष स्थानमा उक्लने योजनामा छ । १६ खेल खेलेको बार्सिलोना ११ जित २ बराबरी र ३ हारसँगै ३५ अंक सहित बार्सिलोना अंक तालिकाको शीर्ष स्थानमा छ । उता समान अंक भएको रियल गोल अन्तरका आधारमा दोस्रो स्थानमा छ ।

विगत चार सिजन यता रियल एल क्लासिकोमा कमजोर हुँदै आएको छ । गत सिजन मात्र बार्सिलोनालले रियललाई दोस्रो लेगमा ५–१ गोलको फाराकिलो अन्तरले पराजित गरेको थियो ।