पोखरा । युएईका ब्याट्सम्यान रोहन मुस्तफाले नेपालमा क्रिकेट खेल्दा आफूलाई सबैभन्दा रमाइलो लाग्ने बताएका छन् । उनले पोखरा प्रिमियर लिग (पीपीएल) अन्तर्गत बिहीबार भएको खेलमा बुटवल ब्लास्टर्सलाई पराजित गरेपछि मिडायाको प्रश्नमा आफूलाई नेपालमा क्रिकेट खेल्न सबैभन्दा मन पर्ने बताएका हुन् ।

पत्रकारले तपाइलाई नेपालमा खेल्दा कस्तो लाग्छ ? भनेर सोधेको प्रश्नमा उनले भने, ‘मलाई नेपालमा खेल्न मात्रै मन पर्छ । किनभने नेपाली दर्शकहरुले मलाई धेरै माया र सपोर्ट गर्छन् । मेरो लागि हुटिङ गर्छन् र म उनीहरुको लागि राम्रो खेल्ने प्रयास गर्नेछु ।’

बिहीबार भएको खेलमा दर्शकहरुले उनको निकै हुटिङ गरेका थिए । पीपीएलमा चितवन राईनोजबाट खेलिरहेका उनी बिहीबार उत्कृष्ट ब्याटिङ र बलिङ गर्दै म्यान अफदम्याचसमेत भएका थिए । उनले नटआउट ५६ बलमा १ सय २५ को औसतमा ७० रन बनाएका थिए । भने ३ ओभरमा ५ रन दिएर २ विकेट लिएर खेल जिताउन महत्वपूर्ण योगदान दिएका थिए ।

उत्त खेलमा चितवन राईनोजले बुटवलविरुद्ध १ सय १९ रनले विजय हात पारेका थियो । यो जितसँगै चितवन अंक तालिकाको शीर्ष स्थानमा यथावत रहेको छ । भने बुटवल अंक तालिकाको पुच्छारमा रहेको छ ।

भिडियाे :