पोखरा । पोखरा प्रिमियर लिग (पीपीएल) अन्तर्गत विराटनगर टाइटन्सविरुद्ध खेलिरहेको काठमाडौ गोल्डेनका खेलाडी किसन कोल्सावालाले अहमदले अर्धशतक प्रहर गरेका छन् ।

टस जितेर ओपनरका रुपमा ब्याटिङ गर्न मैदानमा उत्रेका उनले ३८ बलमा ४ चौका र २ छक्का हान्दै अर्धशतक प्रहार गरेका हुन् । जारी खेलमा ब्याटिङमा उनलाई कप्तान ज्ञानेन्द्र मल्लले साथ दिइरहेका छन् । यो समाचार तयार पार्दासम्म काठमाडौं १३ ओभर १ बलमा २ विकेट गुमाउँदै ९४ रनमा खेलिरहेको छ ।

ज्ञानेन्द्र मल्ल कप्तान रहेको काठमाडौका लागि सुरुवाती ११ मा सुशान भारी, आदिल खान, अमर सिंह रौतेला, वसन्त रेग्मी, पवन सर्राफ, अमित श्रेष्ठ, अम्रित भट्टराई, सुबोध भट्टराई, गौरभ तोमर र विकेट किपर जय किसन कोल्सवाला रहेका छन् ।

त्यस्तै विराटनगरका लागि सुरुवाती ११ मा प्रदीप सिंह ऐरी, शाहव आलम, सुनिल धमाला, नोमन खान, किशोर महतो, जितेन्द्रकुमार मुखिया, राजेश पुलामि मगर, राजु रिजाल, पुनीत मेहरा, मुहम्मद जाईद आलम र विकेट किपर दिलिप नाथ रहेका छन् ।

यसअघि तीनवटा खेल खेलेको काठमाडौं १ जित र २ हारसहित अंक तालिकाको तेस्रो नम्बरमा छ । भने दुईवटा खेल खेलेको विराटनगर १ जित १ हारसहित अंक तालिकाको चौंथो नम्बरमा छ ।