काठमाडौं । सहिद स्मारक ए डिभिजन लिग फुटबलमा विभागीय टिम शसस्त्र प्रहरीको एपीएफ र हिमालयन शेर्पाले बराबरी खेल्दै अंक बाँडेका छन् ।

त्रिपुरेश्वरस्थित दशरथ रंगशालामा आइतबार एपीएफ र शेर्पाले १–१ गोलको बराबरी खेलेका हुन्। पहिलो हाफ गोलरहित बराबरी खेलेको एपीएफ र शेर्पाले दोस्रो हाफको सुरुवातमै गोल गरेका थिए।

खेलको ४७ औं मिनेटमा त्रिदेभ गुरुङले गोल गर्दै शेर्पालाई अग्रता दिलाएका थिए । तर,खेलको ५८ औं मिनेटमा आशिष लामाको क्रसमा प्रविन कुमार स्याङतेनले गोल गर्दै एपीएफलाई खेलमा फर्काए ।