काठमाडौँ । इङलिश प्रिमियर लिग अन्तर्गत ‘बक्सिङ डे’ खेलमा एभर्टनले जित हासिल गरेको छ । नयाँ म्यानेजर कार्लो एन्सेलोटीले एभर्टनमा विजयी सुरुवात गरेका छन् ।

एभर्टनले बर्नलीलाई १–० गोल अन्तरले पराजित गरेको छ । एभर्टनको जितमा डोमिनिक कलभर्ट लेविनले खेलको निर्णायक गोल गरेका थिए ।
एभर्टनले यो जितपछि १९ खेलमा २२ अंक हासिल गरेको छ भने बर्नलीको १९ खेलमा २४ अंक रहेको छ । योसँगै यसै साता एभर्टनको म्यानेजर बनेका एन्सेलोटीले सुखद सुरुवात गरेका छन् ।