काठमाडौँ । इङलिश प्रिमियर लिग अन्तर्गत ‘बक्सिङ डे’ खेलमा म्यानचेस्टर युनाइटेडले न्यूक्यासल युनाइटेडमाथि शानदार जित हासिल गरेको छ । गएराती सम्पन्न खेलमा म्यानचेस्टर युनाइटेडले न्यूक्यासललाई ४–१ गोल अन्तरले पराजित गरेको हो ।

म्यानचेस्टरको जितमा एन्थोनी मार्सियलले २ गोल गरेका थिए भने मासन ग्रीनवुड र मार्कस राशफोर्डले एक एक गोल गरेका थिए । त्यस्तै न्यूक्यासलका लागि एक गोल माटी लंगस्टाफले गरेका थिए ।

अघिल्लो खेलमा वाटफोर्डसँग पराजित भएपछि आलोचित भएको म्यानचेस्टरले उत्कृष्ट कमब्याक गर्दै घरेलु मैदानमा महत्वपूर्ण जित हासिल गरेको छ ।

यो जितपछि लिगमा म्यानचेस्टर युनाइटेडको १९ खेलमा २८ अंक भएको छ भने लिगको सातौ स्थानमा रहेको छ । त्यस्तै न्यूक्यासलको भने १९ खेलमा २५ अंक रहेको छ ।