कुलमान घिसिङ्ग र सन्दुक रुइत सम्मानित
![कुलमान घिसिङ्ग र सन्दुक रुइत सम्मानित](https://www.dcnepal.com/wp-content/uploads/2019/12/Screenshot_2019-12-24-18-57-16-89.jpg)
काठमाडौं । नेपाल विद्युत् प्राधिकरणका कार्यकारी निर्देशक कुलमान घिसिङ्ग र आँखा विशेषज्ञ डा. सन्दुक रुइत हेमबहादुर मल्ल सम्मान बाट सम्मानित भएका छन् । शुक्रबार काठमाण्डौमा आयोजित कार्यक्रममा प्राधिकरणका कार्यकारी निर्देशक घिसिङ्ग र आँखा विशेषज्ञ डा. रुइत लाई हेम बहादुर मल्ल सम्मानबाट सम्मानित गरिएको हो ।
साल्ट ट्रेडिङ कर्पाेरेसनको प्रायोजनमा स्थापित हेमबहादुर मल्ल सम्मान २०७३ घिसिङ्गलाई र २०७४ डाक्टर रुइतलाई प्रदान गरिएको हो । दुवै जनालाई उपराष्ट्रपति नन्द बहादुर पुनले जनही २ लाख रुपैया नगद र ताम्रपत्र सहित सम्मानित गरेका थिए । प्राधिकरणका कार्यकारी निर्देशक घिसिङ्गलाई लोडसेसडङ्ग हटाउन भूमिका खेलेको तथा डा. रुइतलाई आँखा उपचारमा पुर्याएको अतुलनीय योगदानको कदर गर्दै सम्मान गरिएको हो ।
करिब २५ बर्ष साल्ट ट्रेडिङको महाप्रबन्धकको रुपमा काम गरेका रोलमोडल प्रशासकका रुपमा लिईन हेमबहादुर मल्लको नाममा स्थापना गरिएको सम्मान २०६० सालबाट प्रदान गर्न थालिएको हो । यसअघि केदारभक्त माथेमा, चाँदनी जोशी, डा. भगवान कोइराला, डा. बिमल कोइराला, महावीर पुन, अम्बिका श्रेष्ठ, भोजराज पोखरेल, दमननाथ ढुंगाना, डा.सुरेशराज शर्मा, खिलराज रेग्मी, उमेश मैनाली, दामोदर गौतम र डा. देवेन्द्र पाण्डे हेम बहादुर मल्ल सम्मान बाट सम्मानित भईसकेका छन् ।
Facebook Comment