काठमाडौं । १३ औं दक्षिण एसियाली खेलकुद प्रतियोगिता (साग) को पुरुष फुटबलमा भुटानमाथि नेपालको दबदबा कायमै छ । खेल सुरु भएको चौथो मिनेटमै अग्रता लिएको नेपालले दोस्रो हाफमा थप २ गोल गर्दै ३-० को अग्रता लिएको छ ।

मंगलबार दशरथ रंगशालामा भएको खेलमा नेपालका लागि सुरुवाती दुई गोल कप्तान सुजल श्रेष्ठले र तेस्रो गोल अभिषेक रिजालले गरे । पहिलो गोल ४ मिनेटमा गरेका सुजलले दोस्रो गोल ५० मिनेटमा गरेका हुन् । यस्तै अभिषेकले ६५ औं मिनेटमा गोल गरे । साग फुटबलमा ५ टिम सहभागी छन् । राउण्ड रोविनको आधारमा हुने खेलमा सबै टिम एक अर्कासँग खेल्नेछन् ।