काठमाडौं । अग्रजलाई सम्मान अनुजलाई प्रोत्साहन भन्ने मूल नाराका साथ ‘दसौँ रमपम विन्धवासिनी म्युजिक अवार्ड २०७६’  विभिन्न स्रस्टा सम्मानित भएका छन्।

दीर्घ साधना सम्मान, कला पत्रकारिता सम्मान र विभिन्न ३४ विधामा गीत संगीत क्षेत्रमा अवार्ड प्रदान गरिएको छ। १ लाख रुपैयाँ नगद पुरस्कारसहित ‘विन्धवासिनी दीर्घ साधना सम्मान २०७६’ बाट वरिष्ठ गायक कुमार बस्नेत सम्मानित भए। नेपाली गायन क्षेत्रमा र्पुयाएको योगदानको कदर स्वरूप उनलाई यो अवार्डबाट सम्मानित गरिएको हो ।

नेपाली पत्रकारितामा पुर्याएको योगदान स्वरूप पत्रकार राजेश खनाललाई २५ हजार ५ सय २५ रुपैयाँ सहित ‘विन्धवासिनी कला पत्रकारिता पुरस्कार २०७६’ बाट सम्मानित गरिएको छ।

विन्धवासिनी फाउन्डेसनद्वारा आयोजित अवार्ड समारोहमा लोक दोहोरी गीत सालको पातले ४ विधामा अवार्ड हात पारेको छ।

आनन्दराज खनालको एल्बम ‘तिम्रो साथ’ ‘सर्वोत्कृष्ट एल्बम सुगम संगीत’ र खनालकै शब्द रहेको ‘मनै लोभ्याउने’ गीतबाट गायिका बानिका प्रधानले ‘सर्वोत्कृष्ट गायन’ र उनकै शब्द रहेको ‘सम्झनामा न आउ तिमी’ बाटै संगीतकार आशिष अविरलले ‘सर्वोत्कृष्ट आधुनिक संगीत’ को अवार्ड प्राप्त गर्न सफल भए।