काठमाडौँ । बुधबार देशभर हर्षउल्लासका साथ नेपाल भ्रमण वर्ष २०२० को औपचारिक उद्घाटन भएको छ ।

काठमाडौँको दशरथ रङ्गशालामा बुधबार साँझ भव्य समारोहकाबीच राष्ट्रपति विद्यादेवी भण्डारीले भिजिट नेपाल २०२० को उद्घाटन गरेकी छन् ।

त्यस्तै सातै प्रदेशका प्रदेश सरकारले पनि आ आफ्नो प्रदेशमा भिजिट नेपालको उद्घाटन गरेका छन् भने पर्यटकीय स्थलहरुमा बुधबार पर्यटकहरुलाई नेपाली टोपीसहित सम्मान गरिएको छ ।

पर्यटकीय राजधानीका रुपमा चिनिने गण्डकी प्रदेशको राजधानी पोखरामा मूख्य मन्त्री पृथ्वी सुब्बा गुरुङले हट बेलुन उडाएर भिजिट नेपालको उद्घाटन गरेका छन् ।

त्यस्तै विराटनगरको शहीद रङ्गशालामा नेपाल भ्रमण वर्ष सन् २०२० को शुभारम्भ समारोहमा हेलिकप्टरद्वारा पुष्पवृष्टि गरिएको छ ।

तस्बिरमा हेर्नुहोस् दशैभर भिजिट नेपालको रौनक

काठमाडौँको दशरथ रङ्गशालामा शान्ति स्वस्ती पाठ गर्दै संस्कृत गुरुकूलका विद्यार्थी ।

पर्यटकलाई स्वागत गर्दै कर्णाली प्रदेशका मूख्यमन्त्री शाही ।

जनकपुरधामस्थित जानकी मन्दिर परिसरमा नेपाल भ्रमण वर्ष २०२० का विभिन्न चित्र, झण्डासहित दिप प्रज्ज्वलन गरी मनाइएको छ।

धनगढीमा आयोजित समारोहमा तयार पारिएको ‘लोगो’ सार्वजनिक गर्दै मुख्य मन्त्री त्रिलोचन भट्ट ।

धनगढीमा आयोजित विशेष समारोहमा छलिया नृत्य प्रस्तुत गर्दै कलाकार ।