काठमाडौं। चलचित्र ‘दि कर्मा’ को अफिसियल ट्रेलर सार्वजनिक गरिएको छ।

एक्सन प्रधान ट्रेलरमा चलचित्रका मुख्य कलाकार करण वर्मा, परमिता आर.एल. राणा, नीता ढुंगाना, बुद्दी तामाङ लगायतलाई देख्न सकिन्छ। ट्रेलरमा नीता र करणलाई एक्सन अवतारमा देखाइएको छ भने परमिता र बुद्दीलाई नेगेटिभ भूमिकामा देखाइएको छ।

भारतीय मुलका अभिनेता करण वर्माको आकर्षक शरीर र एक्सन ट्रेलरमा समावेश छ।

आउँदो माघ १७ गतेबाट प्रदर्शनमा आउन लागेको चलचित्रलाई देव कुमार श्रेष्ठले निर्देशन गरेका हुन्। चलचित्रको कथा निर्माता जय राज राय आँफैले लेखेका हुन्। चलचित्रमा जयको साथमा श्रीदेव वीएल र निशा खतिवडा निर्माताको रुपमा छन्।

पूर्वी नेपालको तराई क्षेत्रमा हुने हत्या, आतंक र लुटपाटको घटनालाई चलचित्रमा प्रस्तुत गरिएको छ।