काठमाडौं । काठमाडौंलगायत देशका केही भागमा मौसम बदली भइ पानी परेको छ । पश्चिमी वायुको प्रभावले काठमाडौंलगायत देशका केही भागमा पानी परेको मौसम पूर्वानुमान महाशाखाले जनाएको छ ।

पानी परेसँगै हुम्लाको सदरमुकाम सिमीकोट लगायतका केही उच्च पहाडी तथा हिमाली भेगमा हिउँ परेको छ । मौसमविद् सजिना शाक्यका अनुसार पानी परेपछि अहिले केही उच्च भेगमा हिउँ परेको छ । भोली र पर्सी पनि देशका विभिन्न भागमा पानी पर्ने शाक्य बताउँछिन् ।

पानी परेसँगै चिसो बढ्दै जाने भएकाले विशेषगरी लेकाली भेगका मानिसहरुलाई सतर्कता अपनाउन महाशाखाले आग्रह गरेको छ ।