एजेन्सी । अमेरिकाको राष्ट्रिय पुरुष फुटबल टिमको कतार भ्रमण स्थगित भएको छ ।

विश्वकप आयोजक राष्ट्र कतारमा अमेरिकाको फुटबल टिमले विशेष प्रशिक्षण गर्ने कार्यकम रहेको थियो । प्रशिक्षण क्याम्प जनवरी ५ देखि २५ सम्म चल्ने बताईएको थियो ।

घरेलु मैदानमा कोस्टारिकासँगको खेलअघि अमेरिकाले कतारमा तयारी गर्ने तालिका बनाएको थियो । तर, पछिल्लो समय अमेरिका र इरानबीच चुलिएको तनावको कारण फुटबल टिमको भ्रमण स्थगित भएको हो ।

शुक्रबार अमेरिकी सेनाको हवाई आक्रमणमा इरानी कुद्स फोर्सका प्रमुख जनरल कासिम सोलेमानी मारिएपछि दुई देशबीच तनाव सिर्जना भएको छ ।