काठमाडौं। अमेरिका सरकारद्वारा संचालित एक वेबसाइटलाई आफूलाई इरानी सरकारको प्रतिनिधि बताउने ह्याकर समूहले ह्याक गरिदिएको छ ।

अमेरिकाको फेडेरल डिपोजिटरी लाइब्रेरी प्रोग्रामको वेबसाइट एफडिएलपी डप जीओभी पहिले ह्याक गरेर छेडछाड गरेपछि अफलाइन गराइएको बेलायती मिडिया डेलीमेलको रिपोर्टमा उल्लेख छ । वेबसाइट ह्याक गरेपछि त्यहाँ भगवानको नाममा इरान साइबर सेक्युरिटी ग्रुपका ह्याकरले ह्याक गरेको सन्देश छोडिएको थियो । ह्याकरले यो इरानको साइबर क्षमताको सानो भागमात्र भएको भन्दै आफूहरु सधैं तयार रहेको चेतावनी दिएका छन् ।