एजेन्सी। अमेरिकी राष्ट्रपछि डोनाल्ड ट्रम्पले अमेरिकी सेनाले इरानका ५२ अड्डाको पहिचान गरिसकेको बताउँदै यदि इरानले कुनै पनि अमेरिकी सम्पत्ति वा नागरिकमाथि आक्रमण गरेमा अमेरिकाले यी ५२ वटै अड्डामा अत्यन्तै छिटो र विध्वंशक आक्रमण गर्ने चेतावनी दिएका छन् । इरानले अमेरिकी दूदावास र सैन्य अड्डामा रकेट आक्रमण गरेपछि ट्रम्पले यस्तो चेतावनी दिएका हुन् । गएराती बगदादको अमेरिकी दूतावास र बलाद सैन्य अड्डामा इरानले रकेट आक्रमण गरेको थियो ।

….hundreds of Iranian protesters. He was already attacking our Embassy, and preparing for additional hits in other locations. Iran has been nothing but problems for many years. Let this serve as a WARNING that if Iran strikes any Americans, or American assets, we have…..

— Donald J. Trump (@realDonaldTrump) January 4, 2020

बेलायती मिडिया मेट्रोका अनुसार फ्लोरिडामा विदा मनाइरहेका ट्रम्पले यो चेतावनीपूर्ण सन्देश इरान समेत पूरै विश्वलाई दिएका हुन् । ट्रम्पले ट्वीटरमा सुलेमानीलाई मारेर अमेरिकाले विश्वलाई आतंकवादी नेताबाट मुक्ति दिलाएको समेत बताएका छन् ।

ट्रम्पले अमेरिकाको दूतावाससहितका स्थानमा आक्रमण गर्नेहरुलाई खोजी गरेर समाप्त गरिने चेतावनी दिएका छन् । उनले अमेरिकाको आतंकवादप्रतिको नीति प्रस्ट भएको बताउँदै जसले पनि अमेरिकालाई नोक्सान पुर्याएका छन् वा यस्तो सोचिरहेका छन् उनीहरुलाई खोजेर समाप्त पारिने बताएका छन् ।