भक्तपुर । महानगरीय प्रहरी वृत्त ठिमीले जुवातास खेल्ने १४ जनालाई पक्राउ गरेको छ । प्रहरीले आज सोमवार बिहान मध्यपुर ठिमी नगरपालिकाको वडा नम्बर ९ स्थित निलबाराही रिसोर्टबाट जुवाडेहरुलाई पक्राउ गरेको बताएको छ।

जुवातास खेलिरहेका विनोद प्रजापती सहित १४ जनलाई नगद ६ लाख ८४ हजार १ सय २० र भारतीय रूपैया ७ हजार ६ सय ६० सहित नियन्त्रणमा लिएको छ ।

घटना सम्बन्धमा प्रहरीले अनुसन्धान गरिरहेको जनाएको छ ।