काठमाडौं । आज पुस २२ गते (जनवरी ६ तारिख, मंगलबार) का दिन नेपाली बजारमा सुन भाउ ओरालो लागेको छ ।

अघिल्लो सातादेखि निरन्तर उकालो लागेर सोमबार तोलाको ७६ हजार पुगेको सुनको भाउ आज तोलामा ५ सय रुपैयाँ घटेको हो ।

आज छापावाल सुन प्रतितोला ७५ हजार ५ सय रुपैयाँमा कारोबार भईरहेको नेपाल सुनचाँदी व्यवासायी महासंघले जनाएको छ।

त्यस्तै, आज तेजावी सुनको भाउ पनि घटेको छ । आज तेजावी सुन प्रतितोला ७५ हजार २ सय रुपैयाँमा कारोबार भईरहेको छ ।

आज चाँदी प्रतितोला ९ सय रुपैयाँमा कारोबार भईरहेको छ । सोमबार चाँदीको भाउ ९ सय २० रुपैयाँ रहेको थियो ।