एजेन्सी । इन्ग्लिश प्रिमियर लिग फुटबलमा आर्सनल बराबरीमा रोकिएको छ । शनिबार भएको खेलमा आर्सनल क्रिस्टल प्यालेससँग १–१ गोलको बराबरीमा रोकिएको हो ।

क्रिस्टलको मैदानमा १० खेलाडीमा सिमित आर्सनल सुरुवाती अग्रता जोगाउन नसक्दा बराबरीमा रोकिएको हो ।

खेलको १२ औं मिनेटमा पिएरे एम्रिक औबामियाङले गोल गर्दै आर्सनललाई अग्रता दिलाएका थिए । तर, खेलको ५४ औं मिनेटमा जोर्डन एयुले गोल गर्दै क्रिस्टललाई हारबाट जोगाए ।

यस्तै खेलको ६७ औं मिनेटमा औबामियाङले रातो कार्ड पाउँदा आर्सनल १० खेलाडीमा समेटिएको थियो ।

क्रिस्टलसँगको बराबरीसँगै आर्सनलले २२ खेलबाट २८ अंक जोडेको छ । आर्सनल लिगको दशौँ स्थानमा रहेको छ । २९ अंक जोडेको क्रिस्टल नवौं स्थानमा रहेको छ ।