एजेन्सी । सन् २०२१ मा आयोजना हुने अफ्रिका कप अफ नेसन्स फुटबल जनवरीमा हुने भएको छ ।

आयोजक क्यामरुनले प्रतियोगिता जनवरीबाट सुरु हुने घोषणा गरेको छ । आयोजकले प्रतियोगिता जनवरी ९ देखि फेब्रुवरी ६ सम्म हुने जनाएको छ । अफ्रिका कप अफ नेसन्सको यो ३३ औं संस्करण हुनेछ ।

यस अघि जुन र जुलाई हुँदै आएको भएपनि प्रतिकुल मौषमको कारण जनवरीमा आयोजना गर्न लागेको क्यामरुनले जनाएको छ । क्यामरुनले प्रस्ताव गरेको मितिमा अफ्रिकन फुटबल महासंघले अनुमति दिएको छ ।

त्यस अघि सन् २०२० को अफ्रिका कप अफ नेसन्स इजिप्टमा जुन २१ देखि जुलाई १९ सम्म हुँदैछ । यस संस्करणमा २४ टोलीले प्रतिस्पर्धा गर्ने छन् ।