काठमाडौँ । जाभीले बार्सिलोनाको कोचको अफर अस्वीकार गरेको खुलासा गरेका छन् । बार्सिलोनाले हालै तत्कालिन कोच इर्नेष्टो भाल्भेर्डेलाई बर्खास्त गर्नु अघि बार्सिलोनाले जाभीलाई कोच बन्न प्रस्ताव गरेको तर उनले क्लबको सो प्रस्ताव अस्वीकार गरेको बताएका छन् ।

जाभीले मिडियासँग कुरा गर्दै भनेका छन् – ‘हो मैले बार्सिलोनाबाट कोच बन्ने प्रस्ताव पाएको र मैले अस्वीकार गरे । अझै अहिले बार्सिलोनाको कोच बन्न छिटो हुन्छ । मैले बार्सिलोनाको कोच बन्ने सपना अझै देखेको छु र भविष्यमा बार्सिलोनाको कोच बन्ने छु ।’

बार्सिलोनाले सुपर कपको सेमिफाइनलमा एटलेटिको म्याड्रिडसँग पराजित भएपछि कोच भाल्भेर्डेलाई बर्खास्त गर्दै क्वुइक्यु सेटीएनलाई नियुक्त गरेको थियो । हाल कतारको क्लब अल साडको कोच रहेका जाभीले अहिले आफुले अल साडमा फोकस गर्ने बताएका छन् ।

बार्सिलोनाका अध्यक्ष जोसेप मारियाले कुनै दिन जाभी बार्सिलोनाको कोच बन्ने बताएका छन् । उनले जाभी कुनै दिन बार्सिलोनाको कोच बन्नेमा आफुलाई कुनै शंका नरहेको बताए । उनले जाभी बार्सिलोनाको फुटबल राम्रोसँग बुझ्ने व्यक्ति भएको बताएका छन् ।