कोलोराडो, अमेरिका । एनआरएन कोलोराडो च्याप्टरका अध्यक्ष कुमारजंग कार्कीको अध्यक्षतामा संस्थाको पहिलो बैठक सम्पन्न भएको छ।

जनवरी १८ शनिबारका दिन याक एण्ड यती रेष्टुरेण्टमा सम्पन्न कार्यसमिती (२०१९–२०२१) को पहिलो बैठकले एनआरएन अमेरिकाको नवौं सम्मेलन (AGM) कोलोराडोमा गर्ने एनसीसी अमेरिकाको निर्णय अनुसार कोलोराडोमा रहेका विविन्न संघ संस्था र अग्रजहरुको सुझाव, सहयोग, सहभागिता एवं सल्लाहमा (AGM) लाइ सफल बनाउने निर्णय गरेको छ।

त्यसैगरी बैठकले नोमिनेशन गरेर पनि प्राविधिक कारणबस रिक्त रहेको उपाध्यक्ष र बोर्ड अफ डाइरेक्टरमा क्रमश रामचन्द्र (आरसी) पन्त र शम्भु शर्मालाई नियुक्त गर्ने निर्णय गर्दै ५ सदस्सिय सल्लाहकार समिती चयन गरेको छ।

यसरी बैठको सर्वसम्मतीमा चयन सल्लाहकार समितीका सदस्यहरूमा क्रमश धर्मराज श्रेष्ठ, गणेश भन्डारी, बासूदेव खनाल, राज (लीलानाथ) ढूंगाना, कृष्णप्रसाद अधिकारी रहेका छन्।

उक्त वैठकमा अध्यक्ष कुमारजंग कार्की, सचिव नवराज न्यौपाने, कोषाध्यक्ष विष्णु पौडेल (प्रकाश), यूथ कोओर्डिनेटर दीपक सूनूवार, महिला कोओर्डिनेटर दीपा भट्टराई बोर्ड अफ डायरेक्टरहरु क्रमश दीपक ढकाल, प्रेम रेग्मी र रिमा गूरुङ होडाको उपस्थिति रहेको र अर्का बोर्ड अफ डायरेक्टर मोहन श्रेष्ठ लाइ फोन मार्फत जानकारी गराईएको सचिव नवराज न्यौपानेले बताएका छन्।