काठमाडौँ । स्पेनिस ला लिगामा रियल म्याड्रिड शिर्ष स्थानमा उक्लिएको छ । गएराती सम्पन्न खेलमा रियल मड्रिडले भल्लाडोलिडलाई १-० गोल अन्तरले पराजित गर्दै लिगको शिर्ष स्थानमा पुगेको हो ।

रियल मड्रिडको जितमा नाचोले खेलको ७८औ मिनेटमा हेड मार्फत गोल गरेका थिए । यो जितपछि बार्सिलोना भलेन्सियासँग २-० ले पराजित भएको फाइदा उठाउदै रियल मड्रिड ला लिगामा शिर्ष स्थानमा उक्लिएको छ ।

२१ खेलमा रियलको ४६ अंक छ भने बार्सिलोनाको ४३ अंक रहेको छ । त्यस्तै भल्लाडोलिडको भने २१ खेलपछि २४ अंक छ र लिगको १६औ स्थानमा रहेको छ ।