इजलुचिन्स्क। रुसको पश्चिमी साइबेरिया प्रान्तको इजलुचिन्स्क शहरको एउटा भिडियो भाइरल भइरहेको छ । भिडियोमा एक महिला भवनको ९ तला माथिबाट ३ सेकेण्डमा तल खस्छिन् । केहीबेर भुइँमै रहेपछि उनी उठेर हिँड्छिन् । त्यहाँ भुइँमा हिउँ भएकोले उनलाई धेरै चोड लाग्दैन । यो भिडियो एउटा सर्भिलेन्स क्यामेरामा रेकर्ड भएको थियो । घटना २२ जनवरीको हो । महिलाको पहिचान खुलाइएको छैन । उनी अस्पतालमा भर्ना भएको बताइएको छ ।

Быстрый спуск с 9го этажа на первый через окно и ни одного перелома. Женщина приземлилась в сугроб, отряхнулась и пошла по своим делам. Сейчас правда она в реанимации с ушибами внутренних органов pic.twitter.com/9dPFjUYFQp

— Лента.ру (@lentaruofficial) January 24, 2020

स्थानीय मिडियाका अनुसार हिउँबाट उठेर केहीबेर हिँडेपछि महिलाले छिमेकीहरुलाई सहयोगको लागि बोलाएर एम्बुलेन्स बोलाइदिन भनेकी थिइन् । डाक्टरका अनुसार महिलालाई भित्री चोट लागेको छ । उनको हड्डी भने भाँचिएको छैन । महिला खस्नुको कारण भने खुलेको छैन ।