मुम्बइ। बलिउड सुपरस्टार शाहरुख खानकी दिदीको निधन भएको छ । उनकी कजिन दिदी नूर जहाँको मंगलबार निधन भएको हो । नूर जहाँका भाइ मंसुरले यो कुराको पुष्टि गरेका छन् । नूर जहाँ लामो समयदेखि क्यान्सरपीडित थिइन् ।

जियो न्यूजसँग कुरा गर्दै दिदीको मृत्युको पुष्टि गरेका मंसुरले उनी लामो समयदेखि क्यान्सरपीडित भएको बताएका हुन् । नूर जहाँ पाकिस्तानको पेशावरको किस्साख्वानी बजार नजिकै मोहल्ला शाह वली कतालमा बस्थिन् । उनले २०१८ मा आम चुनावमा उम्मेदवारी दिएर पछि फिर्ता लिएपछि चर्चामा आएकी थिइन् ।