काठमाडौं। सुटिङका लागि नेपाल आउन लागेका बलिउड अभिनेता करणवीर बोहरालाई दिल्ली विमानस्थलमै रोकिएको छ । परिवारका साथ नेपाल आउन लागेका उनलाई दिल्ली विमानस्थलमै रोकिएको हो । करण स्वयंले ट्वीटरमा आफूलाई नेपाल आउन रोकिएको बताएका छन् ।

आधारकार्ड बोकेर नेपाल घुम्न निस्केको भन्दै उनलाई नेपाल आउन नदिइएको हो । भारत सरकारको नियम अनुसार आधार कार्डलाई भ्रमण कागजात मानिँदैन । नियम अनुसार हवाईयात्राका लागि यात्रीसँग अनिवार्य पासपोर्ट हुनुपर्छ । यो प्रावधान हवाइयात्राका लागि मात्र हो, सडक यात्राको हकमा भने यो लागु हुँदैन । नेपाल आउन रोकिएपछि करणवीरले ट्विट गर्दै असन्तुष्टि व्यक्त गरेका छन् ।

Deported at Delhi airport on my way to #nepal.trvlng wid #adhaarcar not allowed
Nepal gov alows (PP,voters ID & Adhaar by road,by air only PP & VI)Then,Y did @airindiain in Mumbai let me fly with my Adhaar?Y didn’t they stop me there? #indianembassy @DrSJaishankar @IndiaInNepal

— Karanvir Bohra ?? (@KVBohra) January 30, 2020

‘नेपाल जान लाग्दा दिल्ली विमानस्थलमा डिपोर्ट गरियो । आधारकार्ड लिएर यात्रा गर्ने अनुमति छैन । नेपाल सरकारले यसको अनुमति दिएको छ भने मलाई किन डिपोर्ट गरियो ? एयर इन्डियाले मुम्बईबाट उडान अनुमति दिइसकेपछि यहाँ किन रोकियो ?’ करणवीरले ट्विट गरेका छन् । एयर इन्डियाले यसको जवाफ करणवीरलाई उनकै ट्विटमा दिएको छ । एक फाइलसहित गरिएको पोस्टमा उसले नेपाल यात्रा गर्न अनिवार्य पासपोर्ट हुनुपर्ने बताइएको छ ।