एजेन्सी । संयुक्त अरब इमिरेट्स् (यूएई) को समुन्द्रमा पनामाको झण्डावाल ट्याङ्करमा आगलागी भई विस्फोट भएको छ ।

उक्त विस्फोटमा परी २ जना भारतीय नागरिकको ज्यान गएको अन्तराष्ट्रिय सञ्चार माध्यमहरुले जनाएका छन् । उक्त ट्याङ्कर विस्फोटमा परी अन्य कयौँ मानिसहरु बेपत्ता भएका छन् ।

उक्त विस्फोटमा वैदेशिक रोजगारीमा रहेका नेपाली पनि परेको हुनसक्ने आशंका गरिएको छ । हराएका नागरिकहरु कुन कुन देशका थिए भन्ने बारेमा कुनै जानकारी नभएको यूएईको फेडरल अर्थोरिटी फर ल्याण्ड एण्ड मेरिटाईम ट्रान्सर्पोटले जनाएको छ ।

ट्रान्सर्पोटले, ट्याङ्कर विस्फोटमा परी हराएकाहरुको खोजी भईरहेको जनाएको छ ।

घटनाको समयमा उक्त ट्याङ्करमा १२ चालक दलका सदस्यसहित ६७ जना सवार रहेको जनाईएको छ ।

अधिकारीहरुका अनुसार यूएईको समुन्द्रमा २१ माईलको दुरीमा अनलोड तेल ट्याङ्करमा आगो लागेर विस्फोट भएको थियो ।