काठमाडौँ । कोरोनाका उद्गमस्थल वुहान लगायत चीनमा कारोनाको संक्रमण पूर्ण रुपमा रोक्किएको छ ।

पछिल्लो २४ घण्टामा चीनमा कुनै पनि मानिस कोरोनाबाट संक्रमित नभएको र कसैको पनि ज्यान नगएको चाइना डेलीले जनाएको छ।

उक्त समाचारका अनुसार चीनमा बुधबार बिहानसम्म ६८ हजार ७ सय २८ जना उपचारपछि घर फर्किसकेका छन् । ३ हजार २ सय २६ जना गम्भीर छन् ।

तर चीनसहित १६५ देशमा फैलिएको कोरोनाको संक्रमणबाट मंगलबार मात्रै ८०३ जनाको ज्यान गएको छ । यो सँगै विश्वभर ज्यान गुमाउनेको संख्या ७ हजार ९ सय ६५ पुगेको छ ।

मंगलबार मात्रै १५ हजार ७ सय ५५ जना नयाँ संक्रमित फेला परेसँगै कोरोना संक्रमितको संख्या १ लाख ९८ हजार २ सय २९ पुगेको छ ।