काठमाडौँ । विश्वभर कोरोनाको आतंक फैलिरहेका नेपालका पूर्व प्रधानमन्त्री डा. बाबुराम भट्टराईले आफ्नो नामै परिवर्तन गरेका छन् ।

समाजवादी पार्टी नेपालका अध्यक्ष समेत रहेका पूर्व प्रधानमन्त्री भट्टराईले सामाजिक सञ्जाल ट्वीटरमा आफ्नो डा. बाबुराम भट्टराई परिवर्तन गरेर ‘नियमित हात धोऔं / Wash your hands !’ राखेका हुन् ।

डा. भट्टराईले नाम परिवर्त गरेसँगै आफुले कोरोना भाइरसबाट बँच्नका लागि नियमित हात धोऔँ, बनाएको बताएका छन् । विश्व स्वास्थ्य संगठनले पनि कोरोनाको संक्रमणबाट बँच्न सबैभन्दा बढी साबुन पानीले हात धुन सुझाब दिइरहेको छ ।

उनले लेखेका छन्, “कोरोना भाइरसबारे जनचेतनाका लागि सानो पहलः मेरो ट्विटर नाम परिवर्तन गरेर (नियमित हात धोऔं / Wash your hands) राखेको छु । विज्ञका अनुसार नियमित हात धुनु संक्रमणबाट जोगिने प्रमुख उपाय हो ।”

कोरोना भाइरसबारे जनचेतनाका लागि सानो पहलः मेरो ट्विटर नाम परिवर्तन गरेर (नियमित हात धोऔं / Wash your hands) राखेको छु । विज्ञका अनुसार नियमित हात धुनु संक्रमणबाट जोगिने प्रमुख उपाय हो ।

— नियमित हात धोऔं / Wash your hands ! (@brb1954) March 18, 2020

विश्वभर कोरोनाको आतंक फैलिरहेका बेला नेपाल सरकारले आजदेखि लागु हुनेगरी स्कुल, क्याम्पस, चलचित्र हल, जिम हल बन्द गर्ने निर्णय गरेको छ । यस्तै आजदेखि हुने भनिएको एसइई परीक्षा पनि स्थगित भएको छ ।

हालसम्म विश्वभर २ लाख १८ हजार ९ सय २४ जना कोरोना भाइरसको संक्रमणबाट संक्रमित भएका छन् । जसमध्ये ८ हजार ९ सय ५२ जनाको ज्यान गइसकेको छ।