काठमाडौं । स्विट्जरल्याण्ड स्थित नेपाली राजदूतावासले तत्काल नेपाल भ्रमण नगर्न आग्रह गरेको छ ।

दूतावासले शुक्रबार एक विज्ञप्ति जारी गर्दै २० मार्चदेखि १२ अप्रिलसम्म नेपालको भ्रमण नगर्न आग्रह गरेको हो ।

नेपाल सरकारले गरेको निर्णय को हवाला दिँदै दूतावासले स्विट्जरल्याण्ड, इटाली, सानमारिनो र लिचेष्टाईन लगायतका युरोपियन मुलुकका नागरिकहरुलाई नेपाल भ्रमणमा नजान अनुरोध गरेको हो ।

उल्लेखित मुलुकहरुलाई ट्रान्जिट बनाएर नेपालजाने नेपाली लगाएतका अन्य यात्रीलाई नेपाल नजान भनिएको छ ।

विज्ञप्तिमा नेपाली राजदूतावासबाट प्रदान गरिने कामहरु अत्यावश्यक भएमात्र विद्युतिय माध्यामबाट गर्न सुझाव दिइएको छ । साथै नियोगमा नै उपस्थित भएर गर्ने काम भएमा खबर गरेरमात्र उपस्थित हुन समेत अनुरोध गरिएको छ ।

कोरोना नियन्त्रण र रोकथामका लागि सुझाइएका उपायहरुको अविलम्बन गर्न समेत युरोपियन देशहरुमा बस्ने सम्पूर्ण नेपालीहरुलाई पनि दूतावासले अनुरोध गरेको छ ।