काठमाडौं । आज चैत्र ९ गतेदेखि अत्यावश्यक बाहेकका सबै सेवा बन्द हुने भएका छन् । विश्वभर कोरोनाको महामारी बढीरहेका बेला सरकारले पूर्व सावधानी अपनाउँदै आजदेखि अत्यावश्यक बाहेक सबै सेवा बन्द गर्ने भएको हो ।

शुक्रबार राष्ट्रका नाममा सम्बोधन गर्दै चैत्र ९ गतेदेखि २१ गतेसम्म अत्यावश्यक बाहेकका सबै सेवा बन्द गर्ने प्रधानमन्त्री केपी शर्मा ओलीले घोषणा गरेका थिए ।

यो सँगै आजदेखि चैत्र ९ गतेदेखि १८ गतेसम्म सबै अन्तर्राष्ट्रिय उडानहरू पनि स्थगित हुने भएका छन् ।

विश्वभर कोरोनाको संक्रमणबाट १३ हजार २५ जनाको ज्यान गइसकेको छ भने ३ लाख ६ हजार ८ सय ९२ जना मानिस कोरोनाबाट संक्रमित भएका छन् ।