काठमाडौँ । आज साताको पहिलो दिन आइतबार पनि सुनको भाउमा निरन्तर उकालो लागको छ।

शुक्रबारको तुलनामा आज सुन तोलामा १ हजार रुपैयाँ बढेको नेपाल सुनचाँदी व्यवसायी महासंघले जनाएको छ।

बुधबार प्रतितोला ७५ हजार ५ सय रुपैयाँमा कारोबार भएको सुन आज प्रतितोला ७६ हजार ५ सय रुपैयाँमा कारोबार भइरहेको छ। तेजावी सुनको भाउ ७६ हजार २ सय रुपैयाँ रहेको छ।

यस्तै, आज चाँदीको भाउ पनि बढेको छ। आज चाँदी प्रतितोला ७ सय २० रुपैयाँमा कारोबार भईरहेको छ। शुक्रबार चाँदी ७ सय रुपैयाँमा कारोबार भएको थियो।

विश्वभर देखिएको कोरोनाको महाभारीले अन्तर्राष्ट्रिय बजारमा उतारचढाव भइरहेको र यसका प्रभाव नेपाली बजारमा पनि परेकाले मूल्य तलमाथि भइरहेको महासंघले जनाएको छ।