काठमाडौं। प्रतिबन्धित नेकपाविप्लव समूहका महासचिव नेत्रविक्रम चन्द माइला दाजु पक्राउ परेका छन्। ललितपुरको जावलाखेलबाट नेकपाका ६ जना कार्यकर्तासँगै उनी पनि पक्राउ परेका हुन्।

महानगरीय प्रहरी परिसर ललितपुरका प्रमुख एसएसपी टेकप्रसाद राईका अनुसार विप्लवका दाजु जयन्द्र चन्दलाई आइतबार राति पक्राउ गरिएको हो। पक्राउ परेका चन्द नेपाल गणतान्त्रिक खेलकुद महासंघका अध्यक्ष हुन्। विप्लवका जेठा दाई वीरजंग चन्द यसअघि दाङबाट पक्राउ परि सकेका छन्।

आइतबार राति उनीहरुलाई शंकास्पद अवस्थामा पक्राउ गरिएको प्रहरीले दावी गरेको छ । सरकारले सो समूहलाई गत वर्ष प्रतिबन्ध लगाएको थियो। प्रतिबन्धपछि नेकपाका करिब १ हजार ५ सय कार्यकर्ता पक्राउ परिसकेका छन्। प्रहरीको विशेष व्यूरोको सहयोगमा नेकपाका कार्यकर्ताहरु पक्राउ पर्दै आएका छन्।