यूएई । खाडिमुलक यूएईमा हालसम्म ६ जना नेपालीमा कोरोना भाइरस (कोभिड १९) को संक्रमण देखिएको छ। संक्रमितमध्ये २ जना यसअघि नै उपचारपछि निको भएका छन् ।

यूएईको स्वास्थ्य तथा रोकथाम मन्त्रालयले आबुधाबीस्थित नेपाली राजदूतावासलाई दिएकाे जानकारी अनुसार सोमबार थप २ जना नेपालीमा कोरोनाको संक्रमण पुष्टि भएको हो । निको भएका २ जना अस्पतालबाट डिस्चार्ज भैसकेका छन् । बाँकी ४ जनाको भने आइसोलेसनमा राखेर उपचार भैरहेको छ ।

यूएईमा हालसम्म ६ सय ११ जनामा कोरोना संक्रमित विरामी भेटिएका छन् । तीमध्ये ५ जनाको ज्यान गएको छ भने ६१ जना उपचारपछि पूर्णरुपमा निको भएका छन् । त्यस्तै २ जनाको गम्भिर अवस्थामा उपचार भैरहेको छ ।