काठमाडौं । पूर्वाञ्चलका प्रसिद्ध साहित्यकार उपेन्द्र पागलको बुधबार ७७ वर्षका उमेरमा निधन भएको छ । एक वर्षदेखि दमरोगबाट पीडित पागलको आफ्नो जन्मस्थान सुनसरी, मधेशा ७ मा निधन भएको हो ।

उनि निबन्ध, कथा, कविता, समालोचना र चित्रकलामा प्रसिद्ध थिए । उनका ११ कृति प्रकाशित छन् । हाल उनले उराँव जातिका बारेमा लेख्दै गरेको डा भीम खतिवडाले जानकारी दिए । उनको बुधबार नै इटहरीस्थित बूढीगङ्गाघाटमा दाहसंस्कार गरियो । उनका छ छोरी छन् ।