काठमाडौँ । पछिल्लो २४ घण्टामा कोरोना भाइरसको संक्रमणबाट अमेरिकामा सबैभन्दा धेरै मानिसको ज्यान गएको छ। हालसम्म अमेरिकामा ५ हजार १ सय २ जना मानिसको ज्यान गएको अन्तराष्ट्रिय सञ्चार माध्यमहरुले जनाएका छन् । जसमध्ये हिजो मात्रै १ हजार ४९ जनाको ज्यान गएको हो ।

हासम्म अमेरिकामा कोरोना संक्रमितको संख्या २ लाख १५ हजार ३ पुगेको छ । पछिल्लो २४ घण्टामा मात्रै अमेरिकामा २६ हजार ४ सय ४७ जना नयाँ संक्रमित थपिएका हुन् । जसमध्ये ८ हजार ८ सय ७८ जना संक्रमित उपचारपछि घर फर्किएका छन् भने ५ हजार ५ जनाको गम्भीर अवस्थामा उपचार भइरहेको छ ।

हालसम्म कोरोना भाइरसको महामारी विश्वका २०३ देश र दुई अन्तराष्ट्रिय पानी जहाजमा फैलिएको छ।

विश्वभर ९ लाख २५ हजार १ सय ९७ जना मानिस कोरोना भाइरसबाट संक्रमित भएका छन् । जसमध्ये ४७ हजार १ सय ४९ जनाको ज्यान गइसकेको छ ।