ज्याक खड़का 
टोकियो । राजधानी टोकियोमा आज एकैदिन नयाँ कोरोना भाईरसबाट संक्रमित १ सय ४३ जना भेटिएका छन् ।

महानगरका अनुसार आईतवार थपिएका १४३ जना सहित टोकियोमा मात्र कोरोना भाइरसबाट संक्रमितको संख्या १ हजार ३४ पुगेको छ ।

टोकियोमा भेटिएका कोरोना संक्रमितको यो संख्या आजसम्मकै धेरै हो । यसअघी हिजो ११८ जना संक्रमित भेटिएका थिए ।

१४३ संक्रमित अपरान्ह साँझ ५ बजे सम्मको तथ्यांक रहेको जनाउदै महानगरले यो संख्या केही थपिनसक्ने जनाएको छ ।