काठमाडौं। बेलायतमा द्रुत गतिको इन्टरनेट प्रविधि फाइभ जीले कोरोनाभाइरस फैलाएको हल्ला फैलिएपछि मानिसहरु मोपाइल फोनको टावर जलाउन थालेका छन् । मानिसहरु फाइभ जी कनेक्टिभिटीलाई दोषी मान्दै टावर जलाउने र मोवाइल इन्जिनियरहरुलाई धम्की दिन थालेका छन् । यद्यपि विज्ञहरुले यो संक्रमणसँग यो इन्टरनेट प्रविधिको कुनै सम्बनध नभएको बताइरहेका छन् तर हल्लाले निकै ठूलो बितण्डा फैलाइसकेको छ । द गार्डियनका अनुसार २० भन्दा धेरै मोवाइल टावर तोडफोड गरिएका र जलाइएका छन् ।

क्याबिनेट मन्त्री माइकल गोभले इन्टरनेट र भाइरसको सम्बन्ध भएको हल्लाको अण्डन गरेका छन् । उनले यो हल्लालाई मुर्खतापूर्ण र खतरनाक बताएका छन् । मोवाइल कनेक्टिभिटीको अहम सुविधाहरुलाई नोक्सान पुर्याइएका कारण अब यहाँको संचार नेटवर्कमा खतरा उत्पन्न भएको छ । सामाजिक संजालमा कोरोनाभाइर फैलाउन फाइभ जी जिम्मेवार रहेको बताइएका पोस्टहरु ठूलो मात्रामा छन् । तथाकथित कोरोना विशेषज्ञले आफ्ना लेखमार्फत तर्क दिन थालेका छन् । यो सबलाई मध्यनजर गर्दै गुगलले यो विषयमा दखल दिने निर्णय गरेको छ ।