बीबीसी। कोभिड-१९ रोग फैलिनबाट रोक्न तत्काल कदम चाल्ने भन्दै अमेरिकी राष्ट्रपति डोनल्ड ट्रम्पले कोरोनाभाइरस नियन्त्रणका लागि आफ्नो प्रशासनले लिएका नीतिहरूको बचाउ गरेका छन्।

पत्रकारहरूसँग तर्कवितर्क गर्दै चुनावी अभियानमा जस्तो उनी उपस्थित भए।  गभर्नरहरूले लकडाउन कहिले हटाउने भन्ने अधिकार प्रशासनसँग रहेको ट्रम्पले उल्लेख गरे।

अमेरिकी राज्यहरूले राष्ट्रपतिको अनुमोदनविना केही पनि गर्न नसक्ने ट्रम्पको भनाइ छ। हाल संयुक्त राज्य अमेरिकामा पाँच लाख ७७ हजारभन्दा बढी कोरोनाभाइरस सङ्क्रमणका घटना देखिएका छन् भने २३ हजार व्यक्तिको ज्यान गएको छ।

यी दुवै सङ्ख्या अन्य देशको तुलनामा सबैभन्दा बढी हो। परीक्षणहरू गर्न राज्यका प्रयोगशालाहरूलाई गर्न लगायो जसका कारण कोरोनाभाइरस नियन्त्रणमा ढिलाइ हुन पुग्यो।

देशभरिका चिकित्सक तथा अस्पतालहरूले चिकित्सकीय सामग्रीको अभाव रहेको औँल्याएका थिए। राष्ट्रपति ट्रम्पले आफ्ना उच्च स्वास्थ्य अधिकारीहरूलाई फरकफरक सुझावहरू दिइरहे।

कोरोनाभाइरसलाई लिएर अमेरिकाले गरेका राम्रा कामहरू भन्नुपर्दा २० खर्ब डलर बराबरको राहत कार्यक्रम ल्यायो। अमेरिकास्थित औषधि उत्पादक लगायत कम्पनीहरू कोरोनाभाइरसको उपचार र त्यसका लागि खोपको विकाससम्बन्धी अनुसन्धानमा अगाडि देखिएका छन्।

अमेरिकी सङ्घीय प्रणालीको फाइदा उठाउँदै अधिकांश राज्यका नेताहरूले कोरोनाभाइरस नियन्त्रणको दिशामा निर्णायक कदमहरू चालेका छन्।

ट्रम्पले विश्व व्यापार सङ्गठनका साथै विश्व स्वास्थ्य सङ्गठनको आलोचना गर्दै दुई अन्तर्राष्ट्रिय संस्थाहरूलाई “बब्जी ट्विन्स”को सङ्ज्ञा दिए।

प्रकाशक पेन्ग्विन र्‍यान्डम हाउसका अनुसार लोरा ली होपद्वारा लिखित बच्चाहरूको उक्त कथामा “जुम्ल्याहाहरूका दुई जोडी हुन्छन् जो साहसिक यात्रामा निस्कन्छन् र रोमाञ्चक रहस्यको समाधान निकाल्छन्।”

अमेरिकाले विश्व स्वास्थ्य सङ्गठनलाई गर्दै आएको आर्थिक सहयोग कटौती गर्ने विषयमा जिज्ञासा राख्दा ट्रम्पले भने, “यो हप्ताको अन्त्यतिर भन्नेछु, म त्यसबारे निर्णय गर्न लागेको छु।”