काठमाडौँ । कोरोना भाइरस महामारीको केन्द्रबिन्दू बनेको अमेरिकामा पछिल्लो २४ घण्टामा मात्रै २ हजार ८ सय ४ जना संक्रमितको ज्यान गएको छ । यो सँगै अमेरिकामा कोरोनाको संक्रमणबाट ज्यान गुमाउनेको संख्या ४५ हजार ३ सय १८ पुगेको छ ।

पछिल्लो २४ घण्टामा कोरोना संक्रमितको संख्या भने घटेको छ । मंगलबार अमेरिकामा २५ हजार ९ सय ८५ जना नयाँ संक्रमित फेला परेका छन् । यो सँगै अमेरिकामा कोरोना संक्रमितको संख्या ८ लाख १८ हजार ७ सय ४४ पुगेको छ ।

सोमबार अमेरिकामा २८ हजार १ सय २३ जना संक्रमित थपिएका थिए ।

यस्तै, कोरोना संक्रमित मध्ये ८२ हजार ९ सय २३ जना उपचारपछि घर फर्किसकेका छन् भने १४ हजार १६ संक्रमितको गम्भीर अवस्थामा उपचार भइरहेको छ ।

अमेरिकामा हालसम्म ४१ लाख ८७ हजार ३ सय ९२ जनाको कोरोना टेष्ट गरिएको छ ।